لويـــــــــــــــــــن؟!

عم تسمعني ريم في الفترة الأخيرة تعليقات من قبيل.. "صارلك زمان ماكتبتي"

" شو هامله البلوغ بالمرة هالايام"

ومثلها لجين.. اللي قالت لي بصريح العبارة أمس : "ملينا من سالزبورغ"

واليوم اجاني ايميل فاضي من وسام عنوانه: ""WE WANT NEW POSTS

تاريني مهمه وانا ماعندي خبر.. الله وكيلكن حسيت حالي هيفا وهبي!! وبلشت شوف حالي عالمسرح وبين الأضواء.. والجمهور عم يصفق ويهتف بالصوت العالي..

هيفا ..

هيفا..

هيــ ــم..

ديم..

ياااااااااااااااااااااااااااااااي!!

تاريه حلو الإحساس بالشهرة..

وانا ..

واثق الخطوة يمشي ملكا..

بكل ثقة، عم اتمختر عالمسرح..

وحيي هالجمهور المعتر، الميت ع شوفتي..

وإذا بـ..

فستاني..

بيشبك بالكعب..

وهوووووب...

.........

بوشي عأرض المسرح..

يخرب بيتك يا ايلي صعب!!!!!!

شفتوا شو بيصير.. نزولا عند رغبة الجماهير؟؟؟؟؟!!!!!!

هلق عن جد وبلا مزح...

اكتشفت مؤخرا انه مش بس بيصير عندي مشكلة عويصة بالكتابة لما بتكون حياتي مملة...

كمان بيصير عندي نفس الشي بس يصير عندي دوز عالي من الحماس والأحداث المثيرة!!

كنت عم اشكي من فترة انه مافي شي اكتب عنه ..

وهلق صار لي ما عم اعرف شو بدي اكتب لأكتب..

بقه بناء على سياسة الجمهور عاوز كده..

واستراتيجيات مايطلبه المشاهدون/المستمعون/ القراء

قررت حط لسته بأهم الاشياء اللي فكرت اكتب عنا بعد "سالزبورغ"..

واسال الجمهور عن شو بدن ياني احكي بالاول..

وببقه خبركن عن الباقين بشكل تدريجي حتى نحافظ على دوز الاثارة عالي..

اما ان اتضح أن لسته الاشياء ادناه غير مثيرة لاهتمام الجمهور ساعتا راح نشبك ذيل الفستان بالكعب ونطب ساكتين!!

واليكم اللسته:

بقه شو رايكن؟